541 МИЛЛИОН БА БУҶАИ АГЕНТИИ СУҒУРТА

   Душанбе, 23 ноябр. (АМИТ «Ховар», Лаззат Диловарзод).- Бино ба иттилои бахши робита бо ҷомеаи Вазорати меҳнат ва ҳифзи иҷтимоии аҳолӣ, дар даҳ моҳи соли ҷорӣ нақшаи қисми даромади буҷети Агентии давлатии суғуртаи иҷтимоӣ дар ҳаҷми 572 млн. 781 ҳазор сомонӣ муқаррар гардида буд.  Дар ин давра ба буҷети Агентӣ 541 млн. 35 ҳазор сомонӣ ворид шудааст, ки баробари 94,5 фоизи нақша мебошад.    Ҳарчанд  фарқият байни талабот ва маблағгузорӣ  барои пардохти нафақа ва кӯмакпулиҳои  ба он баробар  дар нӯҳ моҳи соли ҷорӣ 15 млн. 691 ҳазор сомониро  ташкил дода бошад ҳам, он дар мӯҳлати муқаррарнамудаи Ташкилоти байналмилалии Асъор  то 14 рӯзи кории моҳи октябри соли ҷорӣ аз ҷониби Агентӣ маблағгузорӣ шудааст. Фақат дар вилояти Суғд ба андозаи 4 млн. 467 ҳазор сомонӣ  ва дар вилояти Хатлон ба андозаи 2 млн. 513 ҳазор сомонӣ бо сабаби таъмин накардани иҷрои ҷамъоварии андози иҷтимоӣ андозаи талаботи маблағгузоринашуда боқӣ мондааст