АНДОЗИ АКСИЗӢ БА ТАМОКУ ВА МАВОДИ СПИРТӢ

Душанбе, 22 ноябр. (АМИТ «Ховар», Лаззат Диловарзод).- Тибқи маълумоти Вазорати молия,  дар моҳи ноябр андози аксизӣ оид ба фурӯши  тамоку  ва маводи спиртӣ   зиёд карда шуд.    Ба иттилои ҳамин манбаъ, андози аксизӣ  аз фурӯши тамоку  ва маводи спиртӣ ба андозаи хеле ночиз баланд бардошта шудааст. Агар пештар андози аксизӣ аз тамоку 0,05 сент муайян шуда бошад, акнун ин намуди андоз ҳамагӣ 0, 07 сент ва   маводи спиртӣ ҳамагӣ 0,03 сент дар баробари 0,02 сенти пештар  андозбандӣ шудааст. Бо вуҷуди кам муайян шудани андози аксизӣ  нисбат ба маводи  зикршуда, он ба иҷрои нгақшаи  буҷети пешбинишуда мусоидат мекунад.    Соли ҷорӣ танҳо аз бастани андоз ба мошинҳои сиёҳшиша  ба буҷети кишвар 14 млн. сомонӣ ворид шудааст. Чунин андозбандии оддӣ минбаъд низ давом дода мешавад.