БАРОИ ҚАБУЛИ ГАРМӢ ОМОДА НЕСТАНД

Душанбе, 19 ноябр. (АМИТ «Ховар», ЛаззатДиловарзод).- Бино  ба гуфти муовини аввали директори генералии КВД «Хоҷагии манзилию коммуналӣ» Абдулҳамид Сайфуллоев, соли ҷорӣ  аз ҳисоби маблағҳои Бонки Ҷаҳонӣ барқарорсозии 4 адад дегхонаҳои аз фаъолият бозмонда дар ноҳияҳои Рӯдакӣ, Ҳисор, шҳрҳои Ваҳдат ва Хуҷанд  ба итмом расид. Аммо ба иттилои  манбаъ,  системаи таъмини гармии  биноҳои манзили истиқоматӣ ва беморхонаҳои марказӣ, ки дар ҳудуди хизматрасонии ин дегхонаҳо қарор доранд, бо сабаби  фарсудагии хатти гармидиҳӣ ва ҳангоми таъмири манзилҳои истиқоматӣ ва ҳуҷраҳои қабули беморон дар беморхонаҳо бурида шудани системаи гармидиҳии дохили биноҳо, беморхонаю манзилҳои истиқоматӣ  ба гирифтани гармӣ дар фасли зимистон  омода нестанд.    Боис ба ёдоварист, ки дар мувозинаи корхонаҳои коммуналии тобеи КВД «Хоҷагии манзилию коммуналӣ» 108 адад дегхонаҳо мавҷуд аст, ки 13 –тояш дар ҳолати корӣ буда, 26 адади он таъмирталаб ва 73 адад пурра корношояманд.