БАСТАШАВИИ МАҶРОИ ВАХШ

Ноябрь 23, 2010 16:33

Душанбе, 23 ноябр. (АМИТ «Ховар», Кристина Эрлих). – Ҷараёни  пурра бастани пеши роҳи дарёи Вахш барои сохтани дарғоти НБО-и  Сангтӯда-2  26 ноябр оғоз ёфта,  28 ноябр хотима меёбад. Ҳамин тавр, ҷараёни  бунёди   дарғоти НБО-и  Сангтӯда-2  оғоз ёфт ва он чун дарғоти НБО-и  Сангтӯда-1 аз қуму шағал сохта мешавад.Дар ин бора ба хабарнигори АМИТ «Ховар» аз Вазорати энергетика ва саноати ҷумҳурӣ хабар доданд. Тибқи маълумоти сарчашма  дар ин рӯзҳо ба сокинони мамлакат нерӯи барқ мувофиқи реҷаи маъмулӣ дода мешавад.Ҷараёни мазкур ба фаъолияти муназзами НБО-ҳои дар дарёи Вахш ҷойгирбуда –Сангтӯда-1, Бойғозӣ ва Норак таъсир намерасонад. Манбаъ ҳамчунин зикр намуд, ки қатъи нерӯи барқи як қатор ноҳияҳои кишвар ба раванди мазкур робита надорад.  Ёдовар мешавем, ки моҳи декабри соли 2006 низ барои сохтани дарғоти НБО-и  Сангтӯда-1 пеши роҳи дарёи Вахшро бастанд, ки вобаста ба он  дар интиқоли нерӯи барқ ба  сокинони ҷумҳурӣ   меъёри шадид муқаррар гардида буд. Ёдовар мешавем, ки маросими ифтитоҳи сохтмони НБО-и  Сангтӯда-2  20 феврали соли 2006 барпо гардид. Бунёди НБО-и  Сангтӯда-2  бо иқтидори 220 мВт лоиҳаи якҷояи  Тоҷикистону Эрон мебошад. Пудратчии генералии иншооти мазкур ширкати эронии «Сангоб» мебошад. Ҳукумати Эрон  вазифадор гардидааст, ки барои сохтмони ин иншоот  ба маблағи 180 миллион доллар қарз ҷудо намояд. Дар назар аст, ки иншооти мазкур то соли 2011 ба истифода дода мешавад.  НБО-и  Сангтӯда-2  зинаи поёнии силсиланерӯгоҳҳои дар дарёи Вахш сохташуда ба ҳисоб рафта, дар реҷаи муайян бо НБО-и  Сангтӯда-1 фаъолият менамояд.

Ноябрь 23, 2010 16:33

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд