ДАР 10 МОҲ 36 МЛН СОМОНӢ МАҲСУЛОТИ САНОАТӢ

Душанбе, 5 ноябр. (АМИТ «Ховар», Лаззат Диловарзод).- Коркарди ҳосили пахтаи соли 2009 – 2010 дар шаҳри Ваҳдат босуръат пеш меравад,- иброз дошт роҳбари  дастгоҳи раиси шаҳр ба мухбири АМИТ «Ховар». Дар корхонаи пахтатозакунии шаҳр аллакай 450 тонна нахи пахта, 600 тонна чигити тухмӣ, беш аз 40 тонна линт, 9 тонна улюк истеҳсол шудааст.          Бо назардошти соҳаи хусусӣ дар шаҳр ба маблағи 36 млн. сомонӣ маҳсулоти саноатӣ истеҳсол шудааст.    Дар корхонаҳои расман ба қайд гирифташудаи тавлидкунандаи молҳои саноатӣ наздик ба 15 млн. маҳсулот истеҳсол гардидааст.    Дар корхонаҳои саноатии шаҳр 50 ҳазору 874 метри мукааб карамзит, 404 ҳазор нусхабланкаҳо, 993 рулон симтӯр, 2 млн. 487 ҳазор дона хишт, 114 тонна нон ва маҳсулоти қаннодӣ, 1871 тонна орд, 21 ҳазору 641 тонна ангишт, 303 ҳазор метри тӯлонӣ трубаи полиэтиленӣ, 648 тонна арматур, 5803 тонна рег ва 5150 метри мукааб шағал истеҳсол шудааст.