ФЕСТИВАЛИ СУРУД АЗ АШЪОРИ ЛОИҚ ШЕРАЛӢ

Душанбе, 5 ноябр. (АМИТ «Ховар», Покиза Маҳмадбекова). —  Дар толори  «Қасри Ҷавонон»-и шаҳри Хуҷанд  фестивали суруд аз ашъори шоири халқии Тоҷикистон Лоиқ Шералӣ, таҳти унвони «Офтобборон» баргузор гардид. Қобили зикр аст, ки чорабинии мазкур бо дастгирии  мақомоти иҷроияи ҳокимияти давлатии вилояти Суғд аз ҷониби муассисаи давлатии «Қасри Ҷавонон»-и ба номи Лоиқ Шералӣ дар ҳамдастӣ бо  Раёсати  фарҳанги вилоят, идораи телевизион ва радио, инчунин  раёсати ҷавонон, варзиш ва сайёҳии вилояти Суғд  ташкил карда шуд. Бояд гуфт, ки ба иштирокчиён ифтихорномаи якҷояи Раёсати  фарҳанг , Раёсати ҷавонон, варзиш ва сайёҳии вилоят ва сарпарасти  фестивал ширкати TCELL супорида шуд.