ИДРОРПУЛӢ БА ДОНИШҶӮДУХТАРОН

          Турсунзода, 17 ноябр. (АМИТ «Ховар», Зебо  Давлатова). —  Ба  хабарнигори  «Ховар» мудири  шӯъбаи  ташкилӣ, таблиғот ва  иттилооти  Кумитаи  иҷроияи  ҲХДТ дар  шаҳри  Турсунзода  Анвар  Маҳмудов иттилоъ  дод, ки  дар  арафаи  ҷашни  20 – солагии  Истиқлол  аз  ҷониби  Кумитаи  иҷроияи  ҳизбӣ  ба  10  нафар  донишҷӯдухтароне, ки  бо квотаи  Президентӣ  дар  Донишгоҳҳои  олии  пойтахт  таҳсил  менамоянд,  ба  маблағи  50  сомонӣ  идрорпулӣ  дода  шуд.           Ӯ афзуд, ки  минбаъд  ҳар  моҳ  ба  донишҷӯдухтарон аз ҷониби  комиҷроияи  ҲХДТ – и  шаҳри  Турсунзода  50  сомонӣ идрорпулӣ  дода  мешавад.