КОР АЗ РӮИ КОМПОНЕНТИ 2 ОҒОЗ ЁФТ

Душанбе, 11 ноябр. (АМИТ «Ховар», Лаззат Диловарзод).- Бино ба гуфти директори Муассисаи давлатии маркази идоракунии  лоиҳаи  «Рушди деҳот» Усмон Сабзов, барои татбиқи самараноки компоненти -2 «Идоракунии устувори чарогоҳҳо, заминҳои кишоварзӣ ва ҷангал» гуфтушунидҳо бо дафтари маркази  Бонки Рушди Осиё, ширкатҳои машваративу маслиҳатӣ ба анҷом расид. Ин масъала аз ҷониби дафтари маркази Бонки Рушди Осиё   дастгирӣ ёфт.    Дар доираи компоненти 2, «Идоракунии устувори чарогоҳҳо, заминҳои кишоварзӣ ва ҷангал» бо ширкати байналмилалии олмонии «GITEC» ҳамчун ғолиби озмуни байналмилалӣ дар ҳаҷми зиёда аз 4 млн. доллари ИМА шартномаҳои ҳамкорӣ  ба имзо расида,  фаъолияти корӣ аз рӯи компоненти- 2   шурӯъ шудааст.    Аз 4 –уми октябри соли ҷорӣ ин компонент пурра ба кор оғоз кард ва дар заминаи он семинару омӯзишҳо оғоз ёфтанд.