МУЛОҚОТИ Э.РАҲМОН БО АБДУЛҲОДӢ АРҒАНДИВОЛ
Душанбе, 24 ноябр. (АМИТ «Ховар»).- Президенти Ҷумҳурии Тоҷикистон Эмомалӣ Раҳмон Вазири иқтисоди Ҷумҳурии Исломии Афғонистон Абдулҳодӣ Арғандиволро, ки баҳри иштирок дар ҳамоиши сарони ҳукуматҳои кишварҳои аъзои Созмони ҳамкории Шанхай ба Тоҷикистон ташриф овардааст, ба ҳузур пазируфт. Дар мулоқот масоили ҳамкории гуногунҷанба ва ҳусни ҳамсоягии Тоҷикистону Афғонистон баррасӣ шуд. Аз пайвастагии робитаҳо миёни сатҳу зинаҳои гуногуни ду кишвар, аз ҷумла дар сатҳи олии сиёсӣ изҳори қаноатмандӣ карда шуд. Таваҷҷўҳи зиёд ба тезондани татбиқи лоиҳаҳои бузургҳаҷми зербиноӣ доир ба бунёди хатҳои интиқоли нерўи барқ, роҳҳои оҳану мошингард, густариши ҳамкории иқтисодию тиҷоратӣ, рушди ҳамкории минтақавӣ ва боло бурдани қудрати транзитии Тоҷикистону Афғонистон зоҳир карда шуд. Мавзўи муҳими дигар тавсиаи ҳамгироӣ дар чаҳорчўби Созмони ҳамкории Шанхай, Созмони Конфронси Исломӣ, муносиботи сеҷонибаи Тоҷикистону Афғонистону Эрон ва дар чаҳорчўби Чоргонаи Душанбе, яъне Тоҷикистон, Афғонистон, Покистон ва Русия буд. Гуфтугўйи судманд ҳамчунин доир ба таҳкими ҳифзи сарҳади Тоҷикистону Афғонистон ва пурзўр намудани мубориза бо терроризму экстремизм ва гардиши ғайриқонунии маводи мухаддир сурат гирифт. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
