МУЛОҚОТИ Э.РАҲМОН БО М.ИМАНАЛИЕВ
Душанбе, 22 ноябр. (АМИТ «Ховар»).-Бегоҳии рўз, 22 ноябр Президенти Ҷумҳурии Тоҷикистон Эмомалӣ Раҳмон Дабири кулли Созмони Ҳамкории Шанхай Муратбек Иманалиевро ба ҳузур пазируфт. Дар мулоқот масоили омодагӣ ба ҳамоиши сарони ҳукуматҳои давлатҳои аъзои Созмони Ҳамкории Шанхай, ки рўзи 25 ноябр дар шаҳри Душанбе баргузор мегардад, баррасӣ шуд. «Ҳамкорӣ дар доираи Созмони Ҳамкории Шанхай барои кишвари мо яке аз афзалиятҳои асосӣ ба шумор меравад», — изҳор намуд дар оғози сўҳбат Сарвари давлати Тоҷикистон Эмомалӣ Раҳмон ва таъкид дошт, ки «Тоҷикистон ҷонибдори таҳкими имконоту қудрати ин созмон аст ва барои ин аз ҳама иқдому ташаббусҳои судманд пуштибонӣ хоҳад кард». Муратбек Иманалиев аз омодагии ҳамаҷонибаи Тоҷикистон ва таваҷҷўҳи хоси роҳбарияти кишвар ба ҳамоиши мазкур изҳори хушнудӣ намуда, ёдовар шуд, ки дар зарфи 4 соли охир бори дуюм аст мулоқоти сарони ҳукуматҳои давлатҳои аъзои Созмони Ҳамкории Шанхай дар шаҳри Душанбе баргузор мегардад. Изҳори боварӣ карда шуд, ки ҳамоиши мазкур барои таҳкими амнияту субот дар минтақа, рафъи мушкилот дар роҳи ҳамкории минтақавӣ ва татбиқи барномаю лоиҳаҳои гуногуни судбахш заминаи мусоид мегузорад. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






