МУЛОҚОТИ ЭМОМАЛӢ РАҲМОН БО РОЗА ОТУНБОЕВА
Душанбе, 26 ноябр. (АМИТ «Ховар»).- 25 ноябри соли 2010 Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қирғизистон Роза Отунбоева мулоқот намуд. Дар вохўрӣ масоили ҳамкории судманди ду кишвари ҳамсоя баррасӣ шуд. Сарвари давлат Эмомалӣ Раҳмон аз он, ки интихоботи парлумонии Қирғизистон дар фазои орому осудаи сиёсӣ баргузор гашт, изҳори қаноатмандӣ карда, таъкид дошт: — «Тоҷикистон ҳамеша ҷонибдори оромию субот дар Қиғизистони ҳамсоя буд ва мемонад». Роза Отунбоева ба Президенти Тоҷикистон Эмомалӣ Раҳмон барои ташкили хуб ва дар сатҳи хеле баланд барпо намудани ҳамоиши сарони ҳукуматҳои кишварҳои аъзои Созмони Ҳамкории Шанхай ва муҳайё кардани шароити мусоид барои баррасии масоили дуҷонибаи Тоҷикистону Қирғизистон изҳори сипос намуд. Ба сатҳ ва мазмуни ҳамкориҳои дуҷонибаи Тоҷикистону Қирғизистон ва заминаи мусоиди қарордодӣ-ҳуқуқии он баҳои баланд дода, сарони ду давлат таъкид бар он доштанд, ки сохторҳои дахлдори ҳарду ҷониб бояд барои истифодаи босамар аз имкону захираҳои фаровон ҷаҳду талош намоянд. Бо қаноатмандӣ зикр гардид, ки Тоҷикистону Қирғизистон доир ба аксари масоили вобаста ба рушди ҳамкории минтақавӣ дар Осиёи Марказӣ мавқеи ба ҳам мувофиқ доранд. Дар мулоқот ҳамчунин доир ба дигар масоили мавриди таваҷҷўҳ гуфтугў сурат гирифт. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






