ПАРЧАМ –НИШОНАИ СОҲИБИСТИҚЛОЛӢ

Душанбе, 24 ноябр. (АМИТ «Ховар», Хуршеда Абдуназарова).-Имрӯз дар ноҳияи Рӯдакӣ бахшида ба Рӯзи Парчами давлатӣ ҷамъомади идона баргузор гардид.Дар он намояндагони ҳамаи ташкилоту корхонаҳо ва  дигар муассисаҳо иштирок намуданд. Бояд гуфт, ки дар дасти ҳамаи иштирокчиёни ҷамъомад парчамҳои давлатӣ буд.Дар  майдон ҳатто парчами дарозиаш 27 метра низ парафшонӣ менамуд. Дар ҷамъомади мазкур роҳбарони ноҳия ва дигар шахсони масъул иштирок ва баромад намуда, мардуми ҷамъомада ва дар симои онҳо тамоми сокинони ноҳия ва мардуми ҷумҳуриро бо ин рӯзи фирӯз-ҷашни Парчами давлатӣ табрик намуданд.Зикр гардид, ки гиромӣ доштани Парчами давлатӣ ин арҷу эҳтиром гузоштан ба муқаддасоти миллӣ ва соҳибистиқлолии ҷумҳурии азизамон мебошад.