«ПАРВОЗИ ХАЁЛ» ДАР СИРК

Душанбе, 22 ноябр. (АМИТ «Ховар», Дилшодаи Ҷонмард).- 24 ноябр дар толори Сирки давлатии Тоҷикистон нахустнамоиши барномаи нави сиркӣ бо номи «Парвози хаёл» бахшида ба 20-солагии Истиқлолияти Ҷумҳурии Тоҷикистон баргузор мегардад. Ҳунармандони сирки тоҷик 19 барномаи рангорангу ҷолибро барои ҳаводорони хеш омода кардаанд ва боварӣ доранд писанди бинандагон мегардад. Аз ҷумла, барномаи масхарабозони гурӯҳи «Ҷамол+к», бозӣ бо хирс, бозӣ бо оташ, акробатҳо, бозӣ бо сагҳо, реприза бо хар, эквелитбиристҳо бо перш, сеҳру чашмбандӣ, духтарони дорбоз ва ғайра. Дар ин бора аз маркази матбуоти Вазорати фарҳанги ҷумҳурӣ хабар доданд.