ПЕШГИРИИ РАВАНДИ НОМАТЛУБ ДАР НОҲИЯИ РӮДАКӢ

Душанбе , 5 ноябр (АМИТ «Ховар» Хуршеда Абдуназарова). — Дирўз дар ноҳияи Рўдакӣ бо иштироки  раиси ноҳия, муовинони раис, роҳбарони идораю ташкилот, роҳбарони мақомоти ҳифзи ҳуқуқ, раисони ҷамоату маҳаллаҳо, имом – хатибони масҷидҳо, инчунин намояндаи Кумитаи дини назди Ҳукумати Ҷумҳурии Тоҷикистон ҷаласа баргузор гардид.    Дар ҷаласа масъалаи таълими  ғайриқонунии ҷавонон дар таълимгоҳҳои динии хориҷи кишвар, пешгирии ин раванди номатлуб, ки ба гаравидани ҷавонон ба равияҳои экстремистӣ боис мегардад, инчунин ба танзим даровардани фаъолияти масҷидҳо , пешгирӣ аз иштироки кўдакону наврасон дар намозҳои ҷомеъ аз ҳисоби вақти дарсӣ ва масоили дигари рўзмарра баррасӣ гардид. Тамоми масъулин вазифадор гардиданд, ки барои ҳали масоили мазкур чораҳои фаврӣ ва зарурӣ андешанд.