РӮШОН СОҲИБИ МАКТАБИ САНЪАТ ГАШТ

Хоруғ, 18 ноябр. (АМИТ «Ховар», Л.Додо). –  Дар  ноҳияи  Рӯшони ВМКБ мактаби  санъат  таъсис ёфт.  Тавре  муовини  сардори  Раёсати  фарҳанги  вилоят  Бозича  Гулшаев  иттилоъ  дод, ин  шашумин  мактаби  санъат  дар  ВМКБ  аст.  То   ин муддат чунин мактабҳои омӯзиши ҳунару санъат   дар  шаҳри  Хоруғ ва   4  ноҳияи дигари  вилоят     фаъолият  доштанд.  Дар  мактаби  номбурда  шогирдон дар  бахшҳои  рассомӣ,  кандакорӣ,  санъати  амалӣ,  кулолгарӣ, хореография таҳсил   намуда, бо кӯмаку дастгирии муаллимон   ин ҳунарҳоро азхуд менамоянд.