РӮЗҲОИ ГАРМУ ШАБҲОИ ХУНУК

Душанбе, 24 ноябр. (АМИТ «Ховар», Кристина Эрлих). –  Аз  24 то 28 ноябр  дар  Тоҷикистон ҳавои гарму  камабр боқӣ  монда, боридани борон дар назар дошта нашудааст.  Ҳарчанд рӯзона ҳарорати ҳаво якчанд дараҷа паст фарояд ҳам, вале вазъ дар умум гарм боқӣ мемонад.  Дар мавриди ҳарорати шабона  ҳаминро бояд гуфт, ки шабҳо то 2 дараҷа хунук мешавад. Дар ин бора ба хабарнигори АМИТ «Ховар» сардори маркази ҳавосанҷии Муассисаи  давлатии ҳавошиносии ҷумҳурӣ Ҷамила Байдуллоева хабар дод. Имрӯз, 24 ноябр ҳарорати ҳаво дар вилояти Суғд то 10 дараҷа гарм, дар вилояти Хатлон то 20 дараҷа гарм, дар  навоҳии тобеи марказ 19, дар ғарби ВМКБ то 12 дараҷа гарм, дар  шарқи  ин вилоят то 3 дараҷа гарм мешавад. Дар Душанбе ҳавои бебориш дар назар дошта шуда, ҳарорат  то 19 дараҷа гарм мешавад.