РАИСИ ШАҲР ҲАМТОИ ОЛМОНИАШРО БА ДУШАНБЕ ТАКЛИФ КАРД

Ноябрь 13, 2010 11:05

Душанбе, 13 ноябр.(АМИТ «Ховар», Марзия Саидова).- Раиси шаҳри Душанбе Маҳмадсаид Убайдуллоев ҳайати ҳунармандони шаҳри Ройтлингенро, ки бо Душанбе бародаршаҳр аст,  ба ҳузур пазируфт.      Ҳайати мазкур дар доираи баргузории «Ҳафтаи Олмон дар Тоҷикистон» ба Душанбе омадаанд.     Зимни мулоқот Раиси шаҳр доир ба сатҳи ҳамкориҳои мутақобилан судманди ду бародаршаҳр Душанбе ва Ройтлинген ибрози назар карда, афзуд ки дар доираи баргузории «Ҳафтаи Олмон» душанбегиҳо бо санъати касбӣ ва олии ҳунармандони олмонӣ ошно гардиданд.         Маҳмадсаид Убайдуллоев паёми худро ба Обербургомистери бародаршаҳр Барбара Бош расонид. Мавсуф  даъват ба амал овард, ки ҷиҳати иштирок дар форуми бародаршаҳрҳои Душанбе, ки ба ифтихори 90-солагии пойтахт дар соли 2014 баргузор мешавад, ба Душанбе ташриф орад.        Дар мулоқот, ки Сафири фавқулодда ва мухтори Ҷумҳурии Федералии Олмон дар Тоҷикистон Дорис Хертрампф  ва Зузе Гнант- намояндаи Шӯрои шаҳрии  Ройтлинген иштирок доштанд, иброз намуданд, ки бобати тавсеаи ҳамкориҳои бародаршаҳрӣ тамоми тадбирҳоро амалӣ хоҳанд сохт.         Мавриди зикр аст, ки Душанбе бо Ройтлингени Олмон аз соли 1991 инҷониб паймони бародаршаҳрӣ бастааст.

Ноябрь 13, 2010 11:05

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд