РОҲХАТИ АГЕНТӢ БАРОИ КОР ВА ОМӮЗИШ

Душанбе, 26 ноябр. (АМИТ «Ховар», Дилшодаи Ҷонмард).- Имрӯз  Сарраёсати  Агентии давлатии ҳифзи иҷтимоӣ, шуғли аҳолӣ ва муҳоҷирати шаҳри Душанбе, Раёсатҳои он дар ноҳияҳои И.Сомонӣ, Шоҳмансур, Фирдавсӣ ва Сино дар Сирки давлатии Тоҷикистон  ярмаркаи умумишаҳрии ҷойҳои кории холӣ ва вазифаҳои озодро баргузор намуд.             Дар ярмарка 33 корхонаю муассисаҳои шаҳри Душанбе иштирок ва ба корҷӯён 1792  ҷойҳои кории холиро пешниҳод намуданд.             Тибқи мувофиқаи қаблӣ бо «Шабакаи аввал»-и ҷумҳурӣ гузоришу мусоҳибаҳо оид ба баргузории ярмарка ва ташкили ин чорабинӣ, ки барои бо шуғл фаро гирифтани шаҳрвандони бекор мусоидат менамоянд, сабт  шуданд.             Дар ярмаркаи зикршуда ба 43 нафар корҷӯён барои кор ва ба 11 нафар барои  омӯзиши касбҳо роҳхат дода шуд.