РУШДИ САНОАТ ДАР БАДАХШОН

Бадахшон, 5 ноябр. (АМИТ «Ховар», Л.Додо). –  Солҳои  охир   иқтисодиёти вилояти  Бадахшон  пайваста  рушд  мекунад.  Тавре  Латиф  Шоҳзодаев  — сардори  Кумитаи  рушди иқтисоди  мақомоти  маҳаллии ҳокимияти  давлатии  вилоят  иттилоъ  дод,  то  охири  моҳи октябри  соли равон  дар  ҳудуди  ВМКБ  25  корхонаи  саноатӣ  фаъолият  дошт, ки  нисбат ба  соли  2009 – ум 20 адад  зиёдтар аст. Даромади  умумии  ин корхонаҳо дар  даҳ  моҳи  соли равон    30  миллион  сомониро  ташкил   дод.  Соли  ҷорӣ дар баробари  сехҳои гуногун корхонаи  хишти  ноҳияи  Ванҷ  ба истеҳсоли  маҳсулот оғоз  намуд. Соли  2011 бунёди  сехҳои зиёди маҳсулоттайёркунӣ ва     сохтмони   чанд  корхонаи  саноатӣ  дар назар  аст, афзуд Латиф Шоҳзодаев.