САРВАЗИРИ ҚАЗОҚИСТОН БА ДУШАНБЕ ОМАД
Душанбе, 24 ноябр. (АМИТ «Ховар», Пайрав Назаров).- Имрӯз, 24 ноябр сарвазири Қазоқистон Карим Масимов бо сафари расмӣ ба Душанбе ташриф овард. Тавре ба хабарнигори АМИТ «Ховар» аз департаменти иттилоотии Вазорати корҳои хориҷии ҶТ хабар доданд, дар доираи сафари худ Карим Масимов дар форуми соҳибкорони ҳар ду кишвар иштирок менамояд. Баъдан дар Қасри миллат мулоқоти Президенти Ҷумҳурии Тоҷикистон Эмомалӣ Раҳмон бо сарвазири Қазоқистон Карим Масимов баргузор мегардад. Ҳамчун рамзи эҳтиром ба фарҳангу таърихи халқи тоҷик Карим Масимов ба муҷассамаи асосгузори нахустин давлати тоҷикон Исмоили Сомонӣ гулчамбар мегузорад. Сипас, мулоқоти сарвазири Тоҷикистон Оқил Оқилов бо сарвазири Қазоқистон Карим Масимов доир мегардад. Дар ҷамъбасти мулоқот ҷонибҳо ҳуҷҷатҳои дуҷониба ба имзо расонида, бо хабарнигорони ВАО мулоқот доир менамоянд.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
