СОХТМОНИ ТАБОБАТГОҲИ НАВ ДАР ВОСЕЪ

Восеъ, 23 ноябр. (АМИТ «Ховар»,  Сулаймон Холов). – Дар  ноҳияи  Восеъ  бо ташаббуси  раиси  ноҳия Султон  Валиев  бинои нави замонавии  маркази  табобати бемориҳои  сил   бунёд  мешавад,  гуфт директори  ин марказ Сафаралӣ Мирзоев. Бояд гуфт,  ки  бинои  мазкур  мувофиқи  лоиҳа аз  7 утоқи  корӣ иборат буда,  маблағи  умумии сохтмони он  130 000 доллари  ИМА– ро  дар бар  мегирад.   Ба  гуфти   С. Мирзоев  сохтмони  бинои мазкур  аз тарафи  Фонди  глобалӣ  маблағгузорӣ   шуда, беморхона пас аз бунёд бо тамоми  таҷҳизоти   зарурии тиббӣ  муҷаҳҳаз  мегардад.    Корҳои  сохтмонӣ дар   бинои мазкур  аз 1 – уми  декабри  соли  ҷорӣ  оғоз  меёбанд.