СОКИНОНИ ТАҲМОС, ПАНҶРӮД ВА ҲИСОРАК КӮЧОНИДА
Душанбе, 9 ноябр.(АМИТ «Ховар», Марзия Саидова).- Сокинони беш аз 230 хонаи истиқоматии кӯчаи Таҳмоси ноҳияи Исмоили Сомонӣ ва 50 хонаи истиқоматӣ дар кӯчаҳои Панҷрӯд ва Ҳисораки маҳаллаи Буни Ҳисораки ноҳияи Сино кӯчонида мешаванд. Ин тадбир ҷиҳати татбиқи Нақшаи генералии шаҳри Душанбе, хусусан таҷдиди Ипподром ва табдили он ба Наврӯзгоҳи шаҳрӣ, сохтмони Гимназия- интернати ҷумҳуриявӣ барои кӯдакони лаёқатманд ва бунёди навбати дуюми иншооти Донишгоҳи миллии Тоҷикистон андешида шудааст. Тибқи иттилои котиби матбуотии Раиси шаҳр Шавкат Саидов, қитъаи замини манзилҳои истиқоматии шаҳрвандон ва дигар иншооти дар кӯчаҳои мазкур ҷойгирбуда, барои эҳтиёҷоти давлатию ҷамъиятӣ гирифта мешаванд. Соҳибони хонаҳои истиқоматии кӯчаҳои Таҳмос, Панҷрӯд ва Ҳисоракро шаҳрдорӣ тибқи қонунгузории ҷорӣ бо квартираҳои баробарарзиш таъмин намуда, ё худ бо хоҳиши онҳо ҷуброни зарар бо арзиши бозор пардохта мешавад. Бинобар сабаби маҳдуд будани квартираҳои озоди фонди манзили коммуналӣ ба таваҷҷӯҳи шаҳрвандони муроҷиаткунанда расонида мешавад, ки шаҳрдорӣ айни ҳол имконияти пешниҳод намудани квартираҳои иҷоравӣ ва фурӯши онҳоро бо шартҳои имтиёзӣ надорад ва муваққатан баррасии ин гуна муроҷиатҳо қатъ мешаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






