ТАСВИБИ СОЗИШНОМАИ МОЛИЯВӢ

      Душанбе, 25 ноябр.(АМИТ «Ховар»,  Марзия Саидова).-Палатаи поёнии парлумони Тоҷикистон Созишномаи молиявӣ оид ба лоиҳаи  «Рушди деҳот» байни Ҷумҳурии Тоҷикистон  ва Бонки Осиёии Рушдро ба тасвиб расонд.         Зимни шарҳи ин санад муовини  вазири кишоварзӣ Сиҷоуддин Исроилов ва вакили Маҷлиси намояндагон Ҳусейн Алиев зикр намуданд, ки Созишномаи мазкур 16 апрели соли 2007 дар Душанбе  ба имзо расида, ҳаҷми умумии он беш аз 20 миллион доллари амрикоиро ташкил медиҳад.          Лоиҳаи мазкур  дар шаҳру ноҳияҳои Роғун,  Ваҳдат, Файзобод, Рӯдакӣ ва Варзоб татбиқ мешавад. Он асосан дар сатҳи ноҳияҳо, мақомоти маҳаллӣ, деҳот ва ҷамоатҳо бо назардошти эҳтиёҷоти  аҳолии деҳот  мавриди амал қарор мегирад.         Ин санад барои рушд ва пешрафти соҳаҳои гуногуни хоҷагии деҳот  мусоидат менамояд.