ТОҶИКИСТОН БО НЕКБИНОН ҲАМКОРӢ МЕНАМОЯД
Душанбе, 25 ноябр.(АМИТ «Ховар», Марзия Саидова).-«Ҷумҳурии Тоҷикистон дар сатҳи байналмилалӣ ҳамеша аз ташаббусҳои наҷиби башардӯстонаи Куба дастгирӣ менамояд», — гуфт Раиси Маҷлиси намояндагони Маҷлиси Олии ҷумҳурӣ Шукурҷон Зуҳуров зтини иулоқоташ бо Сафири фавқулодда ва мухтори Ҷумҳурии Куба дар Ҷумҳурии Тоҷикистон Абелардо Арнандез. Шукурҷон Зуҳуров афзуд, ки сиёсати хориҷии Тоҷикистон сиёсати дарҳои кушода буда, мо ҳамеша омодаем бо онҳое, ки ба мо назари нек доранд, ҳамкории судманд намоем. Ҷонибҳо ҳамзамон масъалаҳои тақвияти равобити судманди парлумонии Тоҷикистону Кубаро баррасӣ карданд. Зикр шуд, ки байни парлумонҳои Тоҷикистону Куба гурӯҳи дӯстии парлумонӣ фаъолият менамояд, ки он дар тавсеаи равобити байнипарлумонӣ нақши муассир мегузорад. Сафири Куба дар Тоҷикистон Абелардо Арнандез гуфт, ки Тоҷикистон дар миқёси давлатҳои Осиёи Марказӣ яке аз кишварҳоест, ки ба Куба ва мардуми он таваҷҷӯҳи хоса зоҳир менамояд. Дипломати Куба иброз дошт, ки зимни фаъолияти дипломатиаш ҷиҳати тақвияти ҳамкориҳои мутақобилан судманди Тоҷикистону Куба аз тамоми имкониятҳои мавҷуда самаранок истифода хоҳад кард, то дар муносибатҳои ҳарду кишвар саҳифаи нав боз шавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






