УБАЙДУЛЛОЕВ БА ЛОНДОН РАФТ

Ноябрь 15, 2010 10:11

    Душанбе, 15 ноябр.(АМИТ «Ховар», Марзия Саидова).-Ҳайати парлумони Ҷумҳурии Тоҷикистон таҳти сарварии Раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев ба Британияи Кабир сафар кард. Сафари ҳайати парлумони Тоҷикистон ба ин кишвар  бо даъвати спикерҳои Палатаҳои Лордҳо ва Обшини парлумони  Шоҳигарии Муттаҳидаи Британияи Кабир ва Ирландияи Шимолӣ Баронесса Хейман ва Ҷон Берков ҷараён гирифт.      Сафари ҳайати парлумонии Тоҷикистон ба Британияи Кабир то 20 ноябри соли равон идома ёфта, мақсади он ба роҳ мондани ҳамкорӣ ва робитаҳои дуҷониба миёни Маҷлиси Олии Ҷумҳурии Тоҷикистон ва Парлумони Шоҳигарии Муттаҳидаи Британияи Кабир ва Ирландияи Шимолӣ аст.        Зимни сафараш ба Британияи Кабир Маҳмадсаид Убайдуллоев бо фаъолияти парлумони Шоҳигарии Муттаҳидаи Британияи Кабир ва Ирландияи Шимолӣ шинос шуда, бо спикери Палатаи Лордҳо Баронесса Хейман, спикери Палатаи Обшин Ҷон Берков, муовини вазири корҳои хориҷии Британияи Кабир Сайман Фрейзер,  Гурӯҳи парлумонӣ оид ба Афғонистон ва Кумита оид ба корҳои мудофиаи парлумони Британияи Кабир ва Ирландияи Шимолӣ мулоқот менамояд.       Инчунин, М. Убайдуллоев аз Марказ оид ба Осиёи Марказӣ  ва мактаби омӯзиши Шарқ ва Африқои Донишгоҳи Лондон боздид мекунад. Раиси палатаи болоии парлумони Тоҷикистон дар форуми Гурӯҳи Осиёи Марказии савдо, тиҷорат ва сармоягузорӣ (CATBIG)  иштирок карда, бо доираи cармоягузорон ва институтҳои сармоягузорӣ вохӯриҳо доир менамояд.        Дар сафар Маҳмадсаид Убайдуллоевро аъзои Маҷлиси миллӣ — Нуриддин Саидов, Заррина Раҷабова, Қобиламо Ғуломшоева, вакилони Маҷлиси намояндагон Рустам Латипов  ва Маҳмадшариф Нозимов ҳамроҳӣ менамоянд.         

Ноябрь 15, 2010 10:11

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд