УБАЙДУЛЛОЕВ «ХАЗИНАИ АМУДАРЁ»-РО ТАМОШО КАРД

     Душанбе, 17 ноябр.(АМИТ «Ховар», Марзия Саидова).-Ҳайати парлумонии Ҷумҳурии Тоҷикистон, таҳти раёсати Раиси Маҷлиси миллӣ Маҳмадсаид Убайдуллоев аз Осорхонаи Британия боздид намуда, бо намоишгоҳи бозёфтҳои  «Хазинаи Амударё» шинос шуданд.      Маҳмадсаид Убайдуллоев зимни тамошо аз осорхонаи Британия, ки  махзани ёдгориҳои таъриху тамаддуни башарист,  масъалаи  ҳамкории Институти таърих, бостоншиносӣ ва мардумшиносии Академияи илмҳои Тоҷикистон ба номи Аҳмади Донишро бо Осорхонаи Британия ба миён гузошт. Сипас аз ҳар ду ҷониб масъулини идомаи равобит мушаххас шуданд.      Бояд тазаккур дод, ки «Хазинаи Амударё» аз мавзеи Тахти Сангини ноҳияи Қубодиён дарёфт гардида, имрӯз дар Осорхонаи Британия ба маърази тамошои ҷаҳониён гузошта шудааст.          Ёвари Раиси  Маҷлиси миллӣ Шавкат Саидов ба АМИТ «Ховар» иттилоъ дод, ки ҳайати парлумонии Тоҷикистон аз мавзеи зебои Лондон, ки бо номи «дидгоҳи Лондон»  бо баландии 135 метр дар соҳили Темза  ҷойгир аст,  дидан намуданд.