ЯК ФОИЗИ ҲАҚҚИ ҲАЛОЛ

Душанбе, 18 ноябр. (АМИТ «Ховар», Лаззат Диловарзод).- Бо қарори Ҳукумати ҶТ ҳаққи  хизматрасонии    Бонки давлатии амонатгузории ҶТ «Амонатбонк»  барои  нафақахӯрон  ба андозаи 1 фоиз муқаррар   шудааст. Аз ҳисоби маблағҳои воқеан пардохтгардидаи нафақа ба истиснои маблағҳои хароҷоти кӯмакпулиҳо  барои дафн то 1 – уми октябри соли ҷорӣ дар асоси санадҳои муқоисавии воқеан пардохтшудаи нафақа  бо назардошти  моҳи декабри соли 2009 ба «Амонатбонк»  дар ҳаҷми 4 млн. 217 ҳазор сомонӣ  маблағ пардохт  шудааст. Дар мавриди худ, хизмати муассисаҳои «Амонатбонк» низ кам нест.        Бояд ёдовар шуд, ки танҳо дар давоми 8 моҳи соли ҷорӣ аз ҷониби муассисаҳои «Амонатбонк» ба маблағи 2 млн. 860 ҳазор сомонӣ маблағҳо бинобар  сабаби  дубора номнавис  шудан, қатъ гардидани мӯҳлати пардохти нафақа  дар ҳолати фавти нафақахӯр,   ба суратҳисоби Агентии давлатии суғуртаи иҷтимоӣ ва нафақа баргардонида шудааст.