ҒАМХОРӢ БА ИШТИРОКЧИЁНИ ҶБВ

          Тоҷикобод,  24 декабр. (АМИТ «Ховар»,  М.Ризвонов). – Роҳбарони мақомоти иҷроияи  маҳаллии  ҳокимияти  давлатии  ноҳияи  Тоҷикобод  дар ҳаққи иштирокчиёни Ҷанги  Бузурги  Ватанӣ, ки шумораашон торафт кам мешавад, ғамхорӣ    зоҳир менамоянд.           Дар  арафаи  зимистони  имсола  ба 16 нафар собиқадори  ҷанг    ба  миқдори 500 кг  ангишт ва 0,5  куб   ҳезум  ройгон  дода шуд.   Инчунин  ба   иштирокчиёни  ҶБВ, ки  дар  ҷамоатҳои  деҳот  зиндагӣ  менамоянд, аз тарафи  сардорони хоҷагиҳои деҳқонӣ ва  соҳибкорон  ба  миқдори  муайян  ғаллаю  картошка  дода шуд, – иброз   намуд ба хабарнигори АМИТ «Ховар» раиси  ноҳияи  Тоҷикобод Махсум  Фозилов.