ҚАЛАНДАРОВ АЗ МАНСАБ СӮЙИСТИФОДА КАРД

Кӯлоб, 29 декабр. (АМИТ «Ховар», С.Холов). – Қаландаров Хайрулло Абдуллоевич, ки  ба  сифати роҳбари  раёсати  истифодабарии оби нӯшокии  минтақаи  Кӯлоб   фаъолият  менамуд,  аз  вазифаи  хидматиаш ба  манфиати  шахсӣ  истифода  кардааст. Ӯ ҳамчун шахси мансабдор  аз  доираи  ваколатҳои    қонун муқаррар намуда  берун  баромада аз 5  гектар  замини назди корхона 2,31  гектари онро  ба   20  нафар  шаҳрванд бе  ягон  асоси  қонунӣ  ҳамчун  қитъаи  замини наздиҳавлигӣ  тақсим   намудааст. То  замони  санҷиш   дар ин қитъаҳо 7 нафар хонаи истиқоматӣ сохта,   нафарони боқимонда  барои хонаҳояшон таҳкурсӣ сохтаанд.  Хайрулло Қаландаров    манфиатҳои  бо қонун ҳифзшудаи  давлатро  ба таври ҷиддӣ  поймол  намуда, барои ин рафтори ношоистааш акнун дар назди қонун ҷавоб мегӯяд.