ҲАФТАИ ЗАБОНИ РУСӣ ДАР ДДҲБСТ

Душанбе, 22 декабр. (АМИТ «Ховар», Бекназари Абӯбакр). — Дар Донишгоҳи давлатии ҳуқуқ, биснес ва сиёсати Тоҷикистон дар доираи чорабиниҳои соли маориф ва фарҳанги техникӣ ҳафтаи забони русӣ  гузаронида шуд. Дар баробари озмунҳои иншои беҳтарин, хониши беҳтарин, суҳбати мизи мудаввар, конфронси илмии донишҷӯён  доир ба  таърихи адабиёти  ҷаҳон низ  баргузор шуд. Дар он донишҷӯён  дар мавзӯи баробарии ирқии одамон дар асарҳои В. Шекспир,  А.Дюма, В.Скотт, В.Гюго, М.Твен, О.Балзак, Э.А.По, А.С.Пушкин, М.Ю.Лермонтов, А.Дониш ва С.Айнӣ  маърӯзаҳои  пурмӯҳтаво карданд. Чунин чорабиниҳо ба баланд гаштани сатҳи забономӯзӣ, маърифат ва ҷаҳонбинии донишҷӯён мусоидат менамояд.