ҶИНОЯТКОРОН ДАСТГИР ШУДАНД

           Душанбе, 20 декабр.(АМИТ «Ховар», Лутфия  Эшонқулова).- Номҳои  ду  нафар  ҷинояткори  гуреза, ки  шаби 23  августи  соли  равон  аз Маҳбаси  муваққатии  Кумитаи  давлатии  амнияти  миллии ҷумҳурӣ  фирор  карда буданд,  муқаррар  карда  шуд.           Аз рӯи  маълумоти расмӣ,  дар  байни  дастгиршудагон  шаҳрвандони  Тоҷикистон Ҳикматулло  Азизов (бо лақаби Кӯри  Малиш машҳур аст) ва  сокини  29 – солаи  шаҳри  Исфара  Баҳром  Орифҷонов  ҳастанд. Хабар  дода  мешавад, ки  Б.Орифҷонов  мувофиқи  қисми  дуюми  моддаи  187, моддаҳои 305, 306 ва  қисми  дуюми  моддаи  335 Кодекси  ҷиноии  Ҷумҳурии  Тоҷикистон  ба  ҳабс  маҳкум  шуда буд.            Ҳикматулло  Азизов  сокини ноҳияи  Панҷ  буда, то  аз  маҳбаси  муваққатӣ  фирор  карданаш  мувофиқи  моддаи  170, қисми  дуюми моддаи  187, моддаи  306, қисми  дуюми  моддаи  328, қисмҳои  1 ва  32  моддаи  195, қисми  дуюми моддаи  335  ва  қисми  дуюми моддаи 245 Кодекси  ҷиноии  Ҷумҳурии  Тоҷикистон  аз  озодӣ  маҳрум  гардида буд.