121 МЛН. СОМОНӢ БАРОИ СОХТМОНИ НЕРӮГОҲҲОИ ХУРД

   Душанбе, 29 декабр. (АМИТ «Ховар», Лаззат Диловарзод).- Аз  муассисаи давлатии «Маркази идораи лоиҳаҳои бахши электроэнергетика» ба мухбири АМИТ «Ховар» иттилоъ доданд, ки дар моҳҳои январ — ноябри  соли 2010  муассисаи мазкур  маблағ гузории  сармояи асосиро ба маблағи 121,4  млн. сомонӣ барои барқарорсозӣ ва сохтмони хатҳои интиқоли барқ ва сохтмони нерӯгоҳҳои барқи обии хурд истифода кардааст. Аз   ҷумла, дар сохтмони нерӯгоҳҳои барқи обии хурди  «Тоҷ»  1,1 млн. сомонӣ, «Шашболоӣ» -2 млн., «Сангикар»- 12,3, «Фатҳобод»- 2,8, «Питовкӯл» -7,2, «Ширкент»- 8,5, «Ҳорма» -2,3 ва «Марзич» 15 млн. сомонӣ истифода карда шудааст.