АФЗОИШИ ҲАҶМИ МАҲСУЛОТИ САНОАТӢ

Декабрь 14, 2010 13:51

Душанбе, 14 декабр. (АМИТ «Ховар», Мавзуна Боева). — Аз рӯи маълумоти фаврӣ дар моҳҳои январ-ноябри соли 2010 ҳаҷми истеҳсоли маҳсулоти саноатӣ (якҷоя бо кору хизматрасонӣ) дар Ҷумҳурии Тоҷикистон 7 миллиарду 82 миллиону 242,5 ҳазор сомониро ташкил дода, суръати афзоиш нисбат ба ҳамин давраи соли гузашта ба 110,3 фоиз баробар шуд.             Дар Вазорати энергетика ва саноат ба мухбири АМИТ «Ховар» иттилоъ доданд, ки ҳаҷми истеҳсоли маҳсулоти саноатии ҷумҳурӣ нисбат ба ҳамин давраи соли 2009 дар ба маблағи 662 миллиону 735, 4 ҳазор сомонӣ зиёд буда, рушди саноат нисбат ба ҳамин давраи  соли гузашта,  дар тамоми минтақаҳои ҷумҳурӣ таъмин гардид. Аз ҷумла, дар ВМКБ 105,5 фоиз (ҳаҷми маҳсулоти саноатӣ 31,4 миллион сомонӣ), вилояти Хатлон 109,1 фоиз (2124,6 миллион сомонӣ), вилояти Суғд 124,7 фоиз (1490,8 миллион сомонӣ) ва дар ноҳияҳои тобеи ҷумҳурӣ 100,1 фоиз (2608,7 миллион сомонӣ)-ро ташкил дод.             Мавриди зикр аст, ки афзоиши 11-моҳа дар миқёси корхонаҳои системаи  вазорат, аз ҳисоби зиёд гардидани ҳаҷми истеҳсол дар саноати  маъдани кӯҳӣ ба маблағи 128,5 миллион сомонӣ, саноати  мошинсозӣ ба маблағи 50,6 миллион сомонӣ, саноати сабук ба маблағи 36,5 миллион сомонӣ ва саноати хӯрокворӣ ба маблағи 39,1 миллион сомонӣ ба амалӣ гаштааст.

Декабрь 14, 2010 13:51

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд