БА МАРКАЗИ ГАРМИДИҲӢ СУПОРИШ НАШУДААСТ

Душанбе, 6 декабр. (АМИТ «Ховар», Лаззат Диловарзод).- Бино ба гуфти сармуҳандиси Маркази гармидиҳии  шаҳри Душанбе    Раҳматулло Қаландаров, корхона барои додани гармӣ омодааст. Соли ҷорӣ корхона бо газ таъмин карда хоҳад шуд. Дар баробари газ корхона ба миқдори 17 ҳазору 200 тонна сӯзишворӣ аз қабили мазут таъмин аст ва он имкон медиҳад, ки дар сурати камчин шудани  газ корхона бо иқтидори пурра кор карда,  сокинони шаҳрро бо оби гарму гармӣ таъмин намояд.    Боис ба ёдоварист, ки Маркази гармидиҳии шаҳри Душанбе ҳанӯз соли 1968 бо иқтиори 198 МВт асосан бо сӯзишвории газӣ мувофиқ сохта     ба истифода дода шуда буд. Баъдтар дар он печҳои эҳтиётии тавассути мазут коркунанда сохта шуданд.    Ба иттилои ҳамин манбаъ, ханӯз дар бораи додани гармӣ аз ҷониби ширкати «Барқи тоҷик», ки Маркази гармидиҳӣ тобеи он аст, супориш нашудааст.