БАРРАСИИ МАСЪАЛАИ МУБОРИЗА БАР ЗИДДИ КОРРУПСИЯ

Декабрь 24, 2010 11:52

Душанбе, 24 декабря. (НИАТ «Ховар», Покиза Махмадбекова). — Дар Вазорати рушди иқтисод ва савдо бо иштироки роҳбарияти вазорат, роҳбарони сохторҳои марбутаи вазорат баҳри татбиқи сиёсати пешгирифтаи Ҳукумати Ҷумҳурии Тоҷикистон дар самти пешгирӣ ва мубориза ба зидди коррупсия чорабинӣ баргузор гардид. Муовини вазири иқтисод ва савдои ҷумҳурӣ Саидрахмон Назриев қайд намуд,  ки тибқи фармоиши вазорат аз 4-уми октябри соли 2010  «Дар бораи нақшаи чорабиниҳои вазорати рушди иқтисод ва савдои Ҷумҳурии Тоҷикистон, ҷиҳати таъмини иҷрои қарори Ҳукумати Ҷумҳурии Тоҷикистон аз 2 сентябри соли 2010 » ба сарраёсат ва раёсатҳои вазорат супориш дода шудааст, ки иҷрои чорабиниҳои ба салоҳияташон вогузошташударо дар мӯҳлати муайянгардида таъмин намоянд ва аз натиҷааш ҳар нимсола ахбороти муфассал ирсол намоянд. Дар чорабинӣ ҳамзамон таъкид шуд, ки коррупсия ба раванди рушди иҷтимоию иқтисодӣ, ташаккули иқтисоди бозоргонӣ, ҷалби сармоя монеа буда, ба институтҳои ҷамъиятию сиёсии давлат таъсири манфӣ мерасонад ва барои инкишофи минбаъдаи Ҷумҳурии Тоҷикистон таҳдиди ҷиддӣ ба вуҷуд меорад. Аз ин лиҳоз, ба роҳбарони сохторҳои таркибии вазорат ҷиҳати ошкор ва бартараф намудани шароитҳои пайдоиши коррупсия, пешгирии кӯшишҳои фароҳамоварии шароитҳое, ки метавонанд боиси ҳолатҳои коррупсионӣ гарданд, андешидани тадбирҳои мушаххаси иловагӣ тавсия дода шуд.  

Декабрь 24, 2010 11:52

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд