«БАТР» ЛОИҲАРО ДАСТГИРӢ НАМУД
Душанбе, 7 декабр.(АМИТ «Ховар», Лаззат Диловарзод).- Лоиҳаи пешниҳоднамудаи КВД «Хоҷагии манзилию коммуналӣ» оид ба барқарорсозии системаҳои обтаъминкунӣ ва канализатсияи шаҳру ноҳияҳои ҷануби Тоҷикистон — Қӯрғонтеппа, Кӯлоб ва Данғара ба маблағи 6 млн. 173 ҳазор доллари амрикоӣ аз ҷониби роҳбарони саҳмгузори Бонки Аврупоии Таҷдид ва Рушд (БАТР) дастгирӣ ёфт,- иброз дошт муовини аввали директори генералии КВД «Хоҷагии манзилию коммуналӣ» Абдулҳамид Сайфуллоев ба мухбири АМИТ «Ховар». Ба иттилои ҳамин манбаъ, аз маблағи лоиҳа 2 миллиони он қарзи имтиёзнок ва 4 млн. 173 ҳазор доллараш қарзи бебозгашт (грант) аст. Маблағгузории системаи обтаъминкунӣ оғоз гардида, корҳои барқарорсозӣ бо маром давом доранд. Боис ба ёдоварист, ки дар ҳамкорӣ бо Бонки Ҷаҳонӣ КВД «Хоҷагии манзилию коммуналӣ» дар 8 шаҳру марказҳои ноҳияҳои Қӯрғонтеппа, Кӯлоб, Ваҳдат, Данғара, Восеъ, Рашт, Конибодом ва Истаравшан Лоиҳаи рушди инфрасохтори маҳаллӣ (коммуналӣ) дар Ҷумҳурии Тоҷикистонро амалӣ менамояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






