ДАР ФУРУДГОҲИ ДУШАНБЕ ВАЗЪ МӮЪТАДИЛ АСТ
Душанбе, 27 декабр. (АМИТ «Ховар», Мавзуна Бойева). Шабонарўзи 26-27 декабри соли равон бо сабаби сардии ҳаво аз фурудгоҳҳои Домодедово ва Внуково парвози ҳавопаймоҳо дар хатсайри Москва-Душанбе ба таъхир афтод, чунин иттилоъ дод котиби матбуотии КВД «Фурудгоҳи баналмиллалии Душанбе». Субҳи имрўз ҳавопаймоҳои хатсайри Москва-Душанбе (Домодедово) ва Москва-Душанбе (Внуково) ҷониби Душанбе парвоз карданд. Рейси 631, ки дирўз 26.12.2010 аз фурудгоҳи Душанбе ҷониби Москва (Домодедово) парвоз карда буд, бинобар номусоид будани ҳавои фурудгоҳи Домодедово дар фурудгоҳи Қазон нишаст ва алъон то соате, ки ин хабар пахш мешавад, дар Қазон аст. Аз фурудгоҳи Душанбе ҷониби Урумчи, Истанбул, Хуҷанд парвозҳо амалӣ шуданд ва парвози ҳовопаймоҳо ҷониби дигар хатсайрҳое, ки ба нақша гирифта шудаанд, давоми рўз амалӣ хоҳанд шуд. Алъон дар фурудгоҳи Душанбе мусофирони зиёд ҷамъ омадаанд ва фарорасии иҷозати парвози самтҳои худро интизоранд. Бо вуҷуди зиёд будани мусофирон дар фурудгоҳи Душанбе мушкилии ҷиддӣ пеш наомадааст ва толорҳои гусел, қабул ва толори тиҷоратии фурудгоҳ серодам аст, хонаи модар ва кўдак ва дигар соҳаҳои хизматрасонӣ дар фурудгоҳи Душанбе мӯътадил фаъолият доранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






