ДАР СУҒД 15 КОРХОНА ФАЪОЛИЯТИ СУСТ ДОРАД

Декабрь 24, 2010 08:25

Душанбе, 24 декабр. (АМИТ «Ховар», Бекназари Абӯбакр). —  Дар иҷлосияи навбатии Маҷлиси вакилони халқи  шаҳри Хуҷанд, ки 23 декабр баргузор гардид, рафти иҷрои Барномаи тараққиёти иҷтимоию иқтисодии шаҳр дар соли 2010 мавриди баррасии вакилон қарор гирифт. Аз маркази матбуот ва иттилооти мақомоти иҷроияи ҳокимияти давлатии шаҳри Хуҷанд ба мо иттилоъ доданд, ки зимни таҳлили натиҷаҳои пешрафти  иҷтимоию иқтисодии шаҳри Хуҷанд дар соли 2010  маълум гардид, ки дар ин муддат корхонаҳои саноатии шаҳр ба андозаи 223,5 миллион сомонӣ маҳсулот истеҳсол  намудаанд. Ин дар қиёс ба  ҳамин давраи соли гузашта 104,1 фоизро ташкил медиҳад. Дар ин давра бо таҷҳизоту технологияи нав ба кор даромадани корхонаҳои аз фаъолият бозмондаи «Сано», «Атласи Хуҷанд», ҳамчунин дар миқёси шаҳру вилоят калонтарин корхонаи муштараки «Кабоол-Тоҷик-Текстайлз» ба афзоиши ҳаҷми истеҳсоли маҳсулоти саноатӣ ва омода шудани садҳо ҷойи доимии кор барои захираҳои озоди меҳнатӣ имкониятҳои мусоид фароҳам овард. Умуман дар шаҳр давоми 11 моҳ 8358 ҷойи нави корӣ таъсис   шуд, ки 777 адади он   ба корхонаҳои саноатӣ рост меояд. Айни ҳол паст шудани нишондиҳандаҳои истеҳсолии 15 корхона боиси нигаронист. Содиқҷон Мирхолиқов, раиси шаҳри Хуҷанд вазъи саноат, сохтмон, алоқа, нақлиёт, савдо, хизматрасонии маишӣ ба аҳолӣ, ободонии маҳал ва  соҳаҳои иҷтимоию фарҳангиро низ таҳлил намуда, баҳри беҳтар ба роҳ мондани кор, рафъи камбудиҳои ҷойдошта ва истифодаи имкониятҳо барои ҷамъбасти муваффақиятноки соли 2010-ум дар назди масъулин вазифаҳои мушаххас гузошт. Вакилони халқ буҷети шаҳрро барои соли 2011 тасдиқ намуданд.

Декабрь 24, 2010 08:25

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд