ДЕМОРКАТСИЯИ ХАТИ САРҲАДИ ДУ КИШВАРИ ҲАМҶАВОР
Душанбе, 6 декабр.(АМИТ «Ховар», Марзия Саидова).-Масъалаи ҳамроҳшавии Ҷумҳурии Тоҷикистон ба Конвенсияи байналмилалӣ оид ба соддагардонӣ ва ҳамоҳангсозии расмиёти гумрукӣ 6 декабр дар ҷаласаи навбатии Шӯрои палатаи поёнии парлумони мамлакат, ки таҳти раёсати Раиси Маҷлиси намояндагони Маҷлиси Олии ҷумҳурӣ Шукурҷон Зуҳуров доир гардид, баррасӣ шуд. Тибқи иттилои котиби матбуотии Маҷлиси намояндагон Муҳаммадато Султонов, дар ҷаласа ҳамчунин, лоиҳаи қонунҳои Ҷумҳурии Тоҷикистон «Дар бораи байторӣ», «Дар бораи стандартонӣ», «Дар бораи фаъолияти суғуртавӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи бақайдгирии давлатии шахсони ҳуқуқӣ ва соҳибкорони инфиродӣ» ва «Дар бораи ворид намудани тағйирот ба Кодекси замини Ҷумҳурии Тоҷикистон» муҳокима шуданд. Ҳамзамон, аъзои Шӯро масъалаҳоро дар бораи ҳисоботи Бонки миллии Ҷумҳурии Тоҷикистон оид ба иҷрои Дурнамои сиёсати пулию қарзии Ҷумҳурии Тоҷикистон барои соли 2010 ва Дурнамои сиёсати пулию қарзии Ҷумҳурии Тоҷикистон барои соли 2011, Протокол байни Ҳукумати Ҷумҳурии Тоҷикистон ва Ҳукумати Ҷумҳурии Халқии Хитой дар бораи деморкатсияи хати сарҳади давлатии Тоҷикистону Хитой ва Дар бораи Конвенсия байни Ҷумҳурии Тоҷикистон ва Конфедератсияи Швейтсария оид ба канорагирӣ аз андозбандии дукарата нисбат ба андоз аз даромад ва сармоя баррасӣ карданд. Зикр шуд, ки мақсад аз ворид намудани тағйиру иловаҳо ва пешниҳоди қонунҳои мазкур ба Маҷлиси намояндагон такмили фазои қонунгузории кишвар, беҳтар сохтани фаъолият дар бахши байторӣ, мутобиқ намудани маҳсулот ба стандартҳои ҷаҳонӣ, хубтар ба роҳ мондани фаъолияти суғуртавӣ, ба низом даровардани сиёсати пулию қарзӣ ва тақвияти ҳамкориҳо бо созмон ва кишварҳои хориҷӣ мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






