ДУ ЗАБОНИ ХОРИҶИРО ДОНИСТАН ҲАТМИСТ

Душанбе, 6 ноябр. ( АМИТ  «Ховар»,  Сангзода  Муслиҳиддин) —    Дар санаи 3 ноябр  дар  шаҳраки донишҷӯёни  Донишгоҳи  миллии   Тоҷикистон    вохӯрии   раиси   Кумитаи  забон ва   истилоҳоти    назди    Ҳукумати  ҶТ  Додихудо    Саймуддинов   бо  донишҷӯёни  ДМТ   баргузор  гардид.   Дар вохӯрӣ  ректори   ДМТ   Нуриддин  Саидов   ва   олимони   донишгоҳи  мазкур   ҳузур  доштанд.     Мавзӯи  вохӯрӣ баррасии  лоиҳаи   «Қонуни  ҶТ  оид ба   забони  давлатӣ   ва   имлои  нави  забони  тоҷикӣ» буд.  Дар рафти  суханронӣ         Д  Саймуддинов    зикр  намуд, ки  мутобиқи  қонуни  нави   забони давлатӣ  ҳар шахсе  ки ба забони давлатӣ беэътиноӣ зоҳир мекунад, ба ҷазои ҷиноятӣ  кашида мешавад. Пеш аз ин барои ин амал танҳо  ҷазои маъмурӣ   пешбинӣ шуда буд.   Бино ба гуфти ректори  ДМТ  Нуриддин  Саидов  ҷиҳати  масъалаи  забономӯзии донишҷӯёни имрӯза дар сатҳи паст қарор  дорад.   Мавсуф  зимни  суханронияш  зикр намуд, ки ҳар як донишҷӯй  бояд  на кам аз ду забони хориҷиро донад.   Баъд аз вохӯрӣ   устодону  донишҷӯён   ба саволҳои зиёди  худ  аз меҳмонон   ҷавоб гирифтанд.