ЭЪТИРОФИ БАЙНАЛМИЛАЛИИ ТАШХИСГОҲҲОИ ТОҶИКИСТОН
Душанбе, 8 декабр. (АМИТ «Ховар», Бекназари Абӯбакр). — Ду ташхисгоҳи маҳсулоти хӯрокаи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, ки дар шаҳрҳои Душанбе ва Хуҷанд воқеъ мебошанд, ваколатнома (аккредетатсия)-и байналхалқии стандарти ИСО-17025-ро аз ҷониби созмони ДАКкs (Олмон) соҳиб шуданд. Ташхисгоҳи маҳсулоти хӯрокаи Маркази «Тоҷикстандарт» дар вилояти Суғд яке аз ин ташхисгоҳҳо мебошад. Минбаъд сертификатҳои аз тарафи ин ташхисгоҳ дода мешуда, дар тамоми давлатҳои дунё эътироф мегарданд. Қаблан сертификатҳои ин ташхисгоҳ танҳо дар ҳудуди давлатҳои ИДМ эътироф мегашт. Ин иқдом дар натиҷаи лоиҳаи «Таҳким ва рушди савдо дар Тоҷикистон» бо дастгирии давлати Швейтсария амалӣ гардид. Директори Маркази «Тоҷикстандарт» дар вилояти Суғд Дадаҷон Ғойибов гуфт, ки ин дастовард бо дастгирии Ҳукумати Ҷумҳурии Тоҷикистон, Агентии «Тоҷикстандарт» ва мақомоти иҷроияи ҳокимияти давлатии вилояти Суғд муяссар гардид. Ташхисгоҳи маҳсулоти хӯрокаи Марказ тайи солҳои охир бо таҷҳизоти муосири ташхисӣ, маводи зарурӣ, аз ҷумла ташхисгоҳҳои фаврию сайёр ҷиҳозонида шуда, аз таҳқиқ ва санҷиши мутахассисони хориҷӣ гузаштааст. Алҳол барои гузаронидани ташхис ҳама шароитҳо муҳайё буда, дар он 6 нафар мутахассисони варзида пурсамар фаъолият мекунанд. Гуфтан ба маврид аст, ки ин иқдом воридшавии Ҷумҳурии Тоҷикистонро ба Ташкилоти байналмиллалии савдо (ВТО) як қадам наздиктар менамояд.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
