ФАРҲАНГИЁНИ РАШТ ФАЪОЛ МЕШАВАНД

          Рашт,  24 декабр. (АМИТ «Ховар»,  М.Ризвонов). – Муассисаҳои  фарҳангу фароғат  ва  маърифати  ноҳияи  Рашт  фаъолияти  худро     беҳтар менамоянд. Кормандони соҳа баҳри дар амал  тадбиқ намудани  дастуру супоришҳои Президенти  мамлакат Эмомалӣ Раҳмон  фаъолияти қасрҳои  фарҳанг, театр,  китобхонаҳоро  ҷоннок намуда,   дар  робита ба ин  барои баланд  бардоштани  сатҳи  маърифати мардум чорабиниҳои гуногун мегузаронанд.           Айни  ҳол  барои сазовор истиқбол гирифтани 20 – солагии  Истиқлолияти  давлатии Ҷумҳурии  Тоҷикистон нақшаи  мукаммали  чорабиниҳои  фарҳангиро омода  кардаем. Аз  рӯи  ин  нақша дар  муассисаҳои  фарҳангӣ сӯҳбату мулоқот, барномаҳои ҷолиби  фарҳангӣ,  намоиши китоб, конфронсу  семинарҳо  доир мешавад,  — мегӯяд мудири  шӯъбаи  фарҳанги мақомоти маҳаллии ҳокимияти давлатии   ноҳия,    собиқадори  соҳа   Ф.Идиев.