ГУСТАРИШИ РОБИТАҲОИ ТОҶИКИСТОН ВА ҚАЗОҚИСТОН

Декабрь 15, 2010 14:30

             Душанбе, 15 ноябр. ( АМИТ  «Ховар», Сангзода Муслиҳиддин).- Дирӯз  дар   Маркази илмӣ- тадқиқотии  тоҷикон ва форсизабонони  ҷаҳон  маҳфили «Дӯстдорони таърихи тоҷикон ва форсизабонони  ҷаҳон», ки  ба ҷашни  19-умин солгарди   Истиқлолияти давлатии  Ҷумҳурии  Қазоқистон  бахшида шуда буд,  баргузор  гардид. Дар маҳфил  собиқ сафири  Ҷумҳурии Тоҷикистон дар Ҷумҳурии Қазоқистон   Акбаршо  Искандаров, профессор  Абдусаттор Нуралиев,  мушовири  сафири  Ҷумҳурии  Қазоқистон дар Ҷумҳурии Тоҷикистон  ҷаноби  Айтжан  Айдашев  ва инчунин  устодони  Донишгоҳи  миллии  Тоҷикистон   ҳузур  доштанд.   Дар маҳфили мазкур  аз тарафи устодон  ва  донишҷӯёни  ДМТ маърӯзаҳо   шунида шуд.  Аз  ҷумла,   суханронии донишҷӯи      факултаи таърих  Меликфаридун  Равшанзод дар мавзӯи «Тоҷикони  Қазоқистон: дирӯз ва имрӯз» ва    устоди  ДМТ  Амриддин  Шарипов дар мавзӯи  «Ҳамкориҳои  Тоҷикистону  Қазоқистон дар замони ҳозира»   хеле пурмӯҳтаво буд.  Дар  маҳфил     зикр гардид, ки ҳамкории  мо  бо Қазоқистон дар самти  фарҳанг, иқтисодиёт ва иҷтимоиёт  дар ҳоли густариш мебошад.  Дар   ҷамъбасти   ин маҳфил  роҳбари Маркази илмӣ- тадқиқотии  тоҷикон  ва фарсизабонони  ҷаҳон, профессор  Мансур  Бобохонов   суханронӣ  намуда  гуфт, ки  мо ният дорем  минбаъд чунин  вохӯриҳои судмандро     боз ҳам зиёд намоем, зеро баргузории ин гуна маҳфилҳо дӯстии байни ду давлатро мустаҳкам намуда, боиси пешрафту инкишоф мегарданд. 

Декабрь 15, 2010 14:30

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд