МОДЕЛИ КИШОВАРЗИИ БЕХАТАР ДАР ТОҶИКИСТОН

Декабрь 13, 2010 15:56

Душанбе, 13 декабр. (АМИТ «Ховар», Дилшодаи Ҷонмард).-Чанде қабл асари  олими шинохта, номзади илмҳои иқтисодӣ,  профессор Нидоев Нозимҷон Фозилович бо номи «Модели кишоварзии бехатар дар Тоҷикистон» нашр гардид.  Муаллиф қайд мекунад, ки рушди иқтисодиёти миллӣ, аз ҷумла соҳаи кишоварзии Тоҷикистон, дар роҳи таъмини истиқлолияти озуқавории кишоварзӣ на ба омилҳои беруна, балки ба омилҳои дохилӣ бештар вобаста мебошад. Маҳз аз ҳамин хотир, «кишоварзии бехатар» дар сатҳи соҳаи агросаноатӣ ҳамчун як қисми «иқтисоди нави миллӣ»  арзёбӣ   мешавад. Ба ақидаи муаллиф, мафҳуми нави «кишоварзии бехатар» барои пайдо шудани дигар мафҳумҳои нав, ба мисли «иқтисодиёти нав», «кишоварзии нав» шароиту имконият фароҳам меоварад, чунки маҳз кишоварзии бехатар ҳамчун омили асосии таъминоти истиқлолияти озуқавории кишвар хизмат намуда, таъмини он имконият  медиҳад, ки аз истиқлолияти озуқаворӣ ҳарф занем. Пас чӣ бояд кард? Кишоварзии бехатар на танҳо боиси даромади   зиёд ва доимӣ мегардад,  балки дорои имконияти дар ҳама фаслҳои сол,  дар ҳама минтақаҳои ҷумҳурӣ ва бо ҳама намуди маводи озуқаворӣ таъмин намудани аҳолӣ  мебошад.  Таъминоти пурраи аҳолӣ бо масолеҳи кишоварзӣ хеле мушкил аст ва аз ин рӯ ба кишоварзии бехатар бояд  ҳамчун ба ҳунар, санъат ва илм муносибат намуд. Ҳамчун ҳунар он бояд чун анъанаҳои ниёгон ба фарзандон гузарад.  Яъне ин амал бояд ҳамчун «манифести миллӣ»   аз насл ба насл гузарад. Дар шароити муносибатҳои бозорӣ таъмини истиқлолияти озуқаворӣ барои Тоҷикистони камзамин, вале дорои қувваи зиёди корӣ, аз мушкилоти аввалиндараҷа ба шумор меравад. Бешак, ворид намудани технологияи муосир дар соҳаи кишоварзӣ барои худтаъминкунии озуқавории кишвар як қатор шароиту имкониятҳоро фароҳам меоварад, вале то ҳол ин самт   кам таҳқиқ ва таҳлил   шудааст. Аз ин рӯ соҳаи кишоварзӣ сарчашма ва асоси ибтидоии ҳифз ва рушди тамаддуни инсонӣ мебошад. 

Декабрь 13, 2010 15:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд