МУЛОҚОТИ Э. РАҲМОН БО У. ЗАХИЛВОЛ

Декабрь 16, 2010 08:16

Душанбе, 16 декабр. (АМИТ «Ховар») — 15 декабри соли 2010 Президенти Ҷумҳурии Тоҷикистон Эмомалӣ Раҳмон ҳайати баландпояи Ҷумҳурии Исломии Афғонистонро, ки  бо роҳбарии Вазири молияи ин кишвар Ҳазрат Умар Захилвол ба Тоҷикистон ташриф овардаанд, ба ҳузур пазируфт. Ба ин ҳайат ҳамчунин Вазири фавоиди оммаи Афғонистон Абдулқуддус Ҳамидӣ, Вазири маодин Ваҳидуллоҳ Шаҳронӣ ва намояндагони воломақоми вазорати корҳои хориҷӣ ва ва вазорати энерҷӣ ва манобеи оби ин кишвар шомил мебошанд. Дар мулоқот масоили ҳамкории Тоҷикистону Афғонистон, хусусан татбиқи амалии санадҳои қарордодӣ-ҳуқуқӣ, ки дар сатҳу зинаҳои гуногун, аз ҷумла дар сатҳи олии сиёсӣ ба имзо расидаанд, баррасӣ шуд. Таваҷҷўҳи зиёд ба самти афзали ҳамкориҳои дуҷониба ва минтақавӣ доир ба кашидани хатҳои баландшиддати интиқоли нерўи барқ, бунёди роҳҳои оҳану мошингард, боло бурдани қобилияти транзитии ду кишвар ва рушди тиҷорат зоҳир карда шуд. Аз ҷумла таъкид гардид, ки хатти 220 киловолтаи интиқоли нерўи барқи Тоҷикистон-Афғонистон, ки кашиданаш дар ҳудуди Тоҷикистон ба поён расидааст, дар Афғонистон низ то баҳори соли оянда бояд омода гардад. Дар мулоқот ҳамчунин доир ба дигар масоили мавриди таваҷҷўҳ гуфтугў сурат гирифт.

Декабрь 16, 2010 08:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд