НАҚЛИЁТ ДАР ХИЗМАТИ МАРДУМ

Душанбе, 21 декабр. (АМИТ «Ховар», Лаззат Диловарзод).- Бино ба гуфти кормандони масъули Вазорати нақлиёт ва коммуникатсияи ҷумҳурӣ, дар давоми ёздаҳ моҳи соли 2010 тавассути тамоми намудҳои нақлиёти  мусофиркашони вазорату идораҳо, корхонаю ташкилоти ҳамаи шаклҳои моликият, ки нақлиёти автомобилӣ доранд, соҳибкорони хусусӣ, ки бо роҳхат кор мекунанд, ҳамчунин нақлиёти Ассосиатсияи байналхалқии «АВВАТ» 491 млн. 834 ҳазор мусофир  кашонида шудааст, ки нисбат ба ҳамин давраи соли 2009 112 фоизро ташкил медиҳад.    Аз ҳаҷми умумии мусофиркашонӣ бо нақлиёти истифодаи умум  234 млн. 415 ҳазор нафар мусофир кашонида шудааст, ки  47 фоизи ҳаҷми умумии мусофиркашониро дар тамоми минтақаҳои ҷумҳурӣ ташкил медиҳад.    Тибқи иттилои ҳамин манбаъ, дар моҳҳои январ — ноябри соли 2010 мусофиркашонӣ тавассути  нақлиёти таксомотории сабукрав нисбат ба ҳамин давраи соли 2009 543 ҳазор ё се баробар зиёд    шудааст.