НАМОИШИ КИТОБҲО ДАР СУҒД

Душанбе, 15 декабр. (АМИТ «Ховар», Бекназари Абӯбакр). — Дар толори китобхонаи оммавии ба номи Тошхӯҷа Асирии шаҳри Хуҷанд намоиши китобҳо дар мавзӯъи  «Инсон ва ҳуқуқи башарият»  баргузор гардид. Асарҳои олимони соҳаи  ҳуқуқ Ф. Тоҳиров «Инкишофи ҳуқуқ дар Тоҷикистон», С. Болтуев «Ҳуқуқи мунитсипалӣ», М. Маҳмудов «Қонун –кафолати  осоиши ҷомеа», санадҳои меъёрии ҳуқуқӣ оид ба танзими анъана ва ҷашну маросимҳо ва чандин асарҳои дигар ба намоиш  гузошта шуданд. Бояд гуфт, ки зарурияти таҳкими қонуният ва тартиботи  ҳуқуқӣ, тарбияи ҳуқуқии шаҳрвандон, тарғибу ташвиқи  мунтазами қонуну қарорҳои қабулшуда  ва ба ин васила такмили сатҳи дониш  ва фарҳанги ҳуқуқии мардум имрӯз  ҳам яке аз масъалаҳои муҳиму ҳалталаби ҷомеа мебошад.