НАШЪАМАНДУ ҶИНОЯТКОР ТАРБИЯ НАКУНЕМ

           Файзобод, 21 декабр.(АМИТ «Ховар», Зебо Давлатова ). — Тавре ба  хабарнигори  АМИТ «Ховар»  раиси  дастгоҳи  ноҳияи  Файзобод  Сафарбек  Партоев иттилоъ  дод, ҳар  як  қарору қонуне, ки  аз  ҷониби  Президенти  кишвар баррасӣ  мегардад,  сари  вақт  аз  ҷониби  масъулини  ноҳияи  Файзобод  дастгирӣ меёбад.  Айни  замон  дар  тамоми  ташкилоту  муассисаҳо,  мактабҳо, ҷамоату  деҳот оид  ба  лоиҳаи  Қонуни  «Дар  бораи масъулияти  падару  модар  дар тарбияи  фарзанд» раиси  ноҳия  Абдулло  Ҳакимов  дар  якҷоягӣ бо   масъулини  ноҳия  вохӯриҳо   доир  гашта истодаанд.           Сафарбек  Партоев  афзуд, ки  баррасии  ин  қонун  масъалаи  ҷиддию  саривақтӣ  буда,  падару  модаронро  ҳушдор  медиҳад, ки ба тарбияи  фарзанд  эътибори  ҷиддӣ  диҳанд,  чунки  солҳои охир  аз беаҳамиятии баъзе  падару  модарон  фарзандони  ноболиғи мо  даст  ба нашъамандию  ҷинояткорӣ ва  корҳои  зишт мезананд. Дар   тамоми  вохӯриҳо мудири  маориф,  омӯзгорони  мактабҳо,  падару  модарон, инчунин,  хонандагони  мактабҳо  иштирок  менамоянд  ва  дастурҳои  Президенти  кишварро  дар  амал татбиқ менамоянд, гуфт  дар  анҷом  раиси  дастгоҳи  ноҳия.