НБО-И «САРБАНД» ПУРРА АЗ ТАЪМИР БАРОМАД

Душанбе, 14 декабр. (АМИТ «Ховар», Кристина Эрлих). – Дар ин рӯзҳое, ки даҳаи дуюми моҳи аввали фасли зимистон сипарӣ мегардад, дар НБО-и кишвар корҳои омодагӣ барои зиёд намудани иқтидори истеҳсолии ин нерӯгоҳҳо бо мақсади таъмини аҳолии ҷумҳурӣ бо нерӯи  барқ дар давраи зимистони имсола ҷараён доранд.     Ғайр аз ин дар НБО-и «Сарбанд» таъмири пурраи агрегати гидравликии рақами 4 анҷом ёфта, зеристгоҳи автоматикии нерӯгоҳ иваз   гардид.    Дар ин бора ба хабарнигори АМИТ «Ховар» аз ҶСХК «Барқи Тоҷик» хабар доданд.  Тибқи иттилои манбаъ азнавсозии НБО-и Қайроққум,  Норак ва Маркази барқу гармидиҳии Ёвон имкон дод, ки ба таври илова боз 400 мегаВатт  нерӯи барқ истеҳсол шавад.   Ғайр аз ин барои гузаронидани корҳои таъмиру барқарорсозӣ дар  силсиланерӯгоҳҳои Вахш ва системаи барқдиҳии шаҳри Душанбе маблағи муайян ҷудо гардидааст.