НИГАРОНИИ САРВАРИ ДАВЛАТ АЗ ТАБЛИҒИ ВАРЗИШ

Декабрь 21, 2010 11:42

Душанбе, 21 декабр. (АМИТ «Ховар», Дилшодаи  Ҷонмард). —  «Инкишофи маънавию ҷисмонии  ҷавонон  ва нерӯи солими онҳо барои давлату миллат омили муҳим аст. Ин аст, ки имрӯзҳо кӯшиши давлат барои  рушд ва таъмини моддии инфрасохтори  фарҳанг, китобхона, нашри адабиёти таълимӣ, бо технологияи компютерӣ таъмин намудани муассисаҳои таълимӣ, хусусан муассисаҳои варзишӣ, тарзи ҳаёти солим ва тарбияи ҷисмонӣ нигаронида шудааст», — таъкид намуд Президенти мамлакат Эмомалӣ Раҳмон 20 декабр, зимни мулоқот бо варзишгарон ва масъулини соҳа. Ӯ афзуд, ки ҳадафи асосии сиёсати давлат барои фароҳам овардани шароити мусоид ҷиҳати рушду инкишофи соҳаҳои гуногуни варзиш ва ҷалби бештари аҳолии кишвар ба тарбияи ҷисмониву варзиш, гузашта аз ин, барои оммавигардонии варзиш ва тарғиби тарзи ҳаёти солим равона шудааст. Дар воқеъ дар ҳамаи давру замонҳо  варзиш барои инсоният аҳамияти хоса дошт ва он яке аз  омилҳои муҳими ташаккули шахсияти солими ҷомеа аст. Мавриди зикр аст, ки Ҳукумати Ҷумҳурии Тоҷикистон бо вуҷуди мушкилоти иқтисодиву молиявӣ аз тамоми захираву имкониятҳо истифода бурда, ба хотири ҳарчи бештар ба варзиш ҷалб намудани мардум, бахусус ҷавонон ва омода сохтани варзишгарони сатҳи байналмилалӣ мунтазам ғамхорӣ менамояд. Сарвари давлат Эмомалӣ Раҳмон аз он изҳори нигаронӣ кард, ки яке аз омилҳо то ба дараҷаи кофӣ густариш наёфтани соҳаи варзиш дар кишвар  — сатҳи пасти таблиғи тарбияи ҷисмонӣ ва варзиш тавассути воситаҳои ахбори умум  мебошад. «Дар шароити имрўза ҳарчи бештар ва ҳадафноку пурмўҳтаво ташвиқ намудани варзиш ва аҳамияти бузурги он ба насли ҷавон таъсири мусбат мерасонад, ғайрату қувват ва азму иродаи онҳоро ба самти зарурии ҳаётӣ равона месозад», — тазаккур дод Президент.

Декабрь 21, 2010 11:42

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд